هذه مجموعة من الأغاني لكل الآباء..نسأل الله ان يحفظهم جميعا..وأن يشفي المرضي منهم..وان يشمل برحمته ومغفرته الواسعة من رحلوا عن الدنيا الفانية
لسماع الاغنية اضغط علي الرابط ..ولتنزيل الاغنية علي جهازك اضغط علي الزر الايمن علي الرابط واختار حفظ باسم..
أبوي-مني الخير
أبوي-بصوت حنان النيل
للشاعر سعد الدين ابراهيم-اول من تغني بها المطربة الراحلة مني الخير
ابوي شعبتنا روح آمالنا
ضو البيت..
ضراعه الخضراء ساريتنا
نقيل وفي ضليله نبيت..
يدق باب الزمن و يفتح لنا البيبان
دروب في الدنيا شان نمشي
وتجاربه مشاعل التوهان..
يسوي من الفرح عمة
ويدرع شال من الأحزان..
يسوي العمة كذا منديل
عشانا و يدي للجيران ..
ويدس الشال عشان مانشوف
عذابه وأنة الحرمان..
أبوي القدلة بي عزه
وأبوي زغرودة السمحات ..
أبوي عاشق الشمس والنيل
عشانهم ردد الغنوات ..
هو ذاته شمس تصارع الليل
تصر تبدد الظلمات..
عظمتو وسر سعادتنا
بلاقي الصعبه بالبسمات ..
أبوي الدنيا بتودي
بتدي ومره مابتدي
وحكمك وصوت وصاياك
أعز وأغلي ماعندي ..
تجارب تثري دنيانا
وتأشر للهموم صدي ..
نحبك شمعة في ليلنا
تنور للخطى وتهدي..
نحبك يابا زي نيلنا
طويل وأصيل وممتد..[/size]
